პრეს-რელიზი

გაეროს განცხადება ქობულეთში მოზარდის გარდაცვალებასთან დაკავშირებით

16 თებერვალი 2021

2021 წლის 16 თებერვალი

საქართველოში გაეროს სააგენტოთა ჯგუფი ღრმა მწუხარებას გამოხატავს 14 წლის მოზარდის გარდაცვალების გამო და გულწრფელად უთანაგრძნობს მის  ოჯახს. გაერო მოითხოვს გარდაცვალების ზუსტი  გარემოებების სრულყოფილ გამოძიებას.

ამ ტრაგედიამ გამოაშკარავა გენდერული თანასწორობის კუთხით არსებული პრობლემები, სტიგმა გაუპატიურების, სექსუალური ძალადობისა და ექსპლოატაციის მსხვერპლთა მიმართ, ბავშვთა დაცვის სისტემის  ნაკლოვანებები, ასევე ძალადობის მსხვერპლთა ფსიქო-სოციალური შეფასების, მხარდამჭერი მომსახურებებისა და   არასრულწლოვანთა მართლმსაჯულების სისტემის ხარვეზები.

ხარვეზები სრულად უნდა გამოსწორდეს, იქნება ეს საკანონმდებლო და ნორმატიული ბაზები სექსუალური ძალადობის შესახებ, სამართალდამცავი უწყებების პროცედურები თუ ბავშვთა დაცვის მიმართვიანობის პროცედურები და  ბავშვზე მორგებული გარემოს შექმნა მართლმსაჯულების მთელ სისტემაში.

აუცილებელია  მართლმსჯულების სისტემაში შეიქმნას სპეციალისტებით დაკომპლექტებული გუნდები, რომლებიც ექსკლუზიურად ბავშვებსა და სექსუალური ძალადობის შემთხვევებზე იმუშავებენ.  ჩვენ ასევე მხარს ვუჭერთ სექსუალური ძალადობის  მსხვერპლი ბავშვებისთვის ინტეგრირებული სივრცეების შექმნას, რაც უზრუნველყოფს ბავშვზე მორგებული მართლმსაჯულების და ბავშვთა ფსიქო-სოციალურ რეაბილიტაციის ერთ სივრცეში თავმოყრას.

საზოგადოებაში გავრცელებული სოციალური ნორმები და დამოკიდებულება, რომელიც სექსუალურ ძალადობას სოციალურად მისაღებად მიიჩნევს და ადანაშაულებს მსხვერპლს, და ასევე ხელს უშლის პროფესიონალთა მიერ  ბავშვთა მიმართ ძალადობის შესაძლო შემთხვევების შეტყობინებას, სრულად უნდა იყოს აღმოფხვრილი.

აუცილებელია დაუყოვნებელი და ენერგიული ზომების მიღება, რათა თავიდან ავიცილოთ მსგავსი ტრაგედიის განმეორება და უზრუნველვყოთ ქალებისა და გოგონების  უფლებების და ფუნდამენტური თავისუფლების დაცვა ყოველთვის და ყველა სიტუაციაში, ქალებისა და ბავშვების სათანადო  ცოდნითა და უნარებით აღჭურვა და  მათი ჩართულობის ხელშეწყობა გადაწყვეტილების მიღების პროცესში.

გაერო სოლიდარობას უცხადებს და მზად არის მხარი დაუჭიროს მთავრობას,  სამოქალაქო საზოგადოებას, უფლებადამცველებსა და სხვა პარტნიორებს   სისტემური პრობლემების გადაჭრაში, რაც წარმოშობს ასეთ ტრაგედიებს.

ამ ინიციატივაში ჩართული გაეროს უწყებები

გაეროს სურსათისა და სოფლის მეურნეობის ორგანიზაცია
გაეროს სურსათისა და სოფლის მეურნეობის ორგანიზაცია
სოფლის მეურნეობის განვითარების ფონდი
სოფლის მეურნეობის განვითარების ფონდი
შრომის საერთაშორისო ორგანიზაცია
შრომის საერთაშორისო ორგანიზაცია
მიგრაციის საერთაშორისო ორგანიზაცია
მიგრაციის საერთაშორისო ორგანიზაცია
გაეროს ადამიანის უფლებათა უმაღლესი კომისრის ოფისი
გაეროს ადამიანის უფლებათა უმაღლესი კომისრის ოფისი
გაეროს ქალთა ორგანიზაცია
გაეროს ქალთა ორგანიზაცია
გაეროს განვითარების პროგრამა
გაეროს განვითარების პროგრამა
გაეროს მოსახლეობის ფონდი
გაეროს მოსახლეობის ფონდი
გაეროს ლტოლვილთა უმაღლესი კომისარიატი
გაეროს ლტოლვილთა უმაღლესი კომისარიატი
გაეროს ბავშვთა ფონდი
გაეროს ბავშვთა ფონდი
გაეროს რეგიონთაშორისი დანაშაულისა და სამართლის კვლევის ინსტიტუტი
გაეროს რეგიონთაშორისი დანაშაულისა და სამართლის კვლევის ინსტიტუტი
გაეროს ნარკოტიკებისა და დანაშაულის წინააღმდეგ ბრძოლის ბიურო
გაეროს ნარკოტიკებისა და დანაშაულის წინააღმდეგ ბრძოლის ბიურო
გაეროს პროექტების მომსახურების ოფისი
გაეროს პროექტების მომსახურების ოფისი
ჯანდაცვის მსოფლიო ორგანიზაცია
ჯანდაცვის მსოფლიო ორგანიზაცია

მიზნები, რომლებსაც ჩვენ მხარს ვუჭერთ ამ ინიციატივით