ჩვენი ისტორიები. შეიტყვეთ მეტი ჩვენი მუშაობის შესახებ

ფოტო: გელა ბედიანაშვილი/UNFPAსწორედ ამიტომ, გაეროს მოსახლეობის ფონდი (UNFPA) საქართველოში და ეკობრენდსი, ძალადობაგამოვლილი ქალებისა და მათი შვილების მხარდასაჭერად ერთიანდებიან.წელს ველედას “სქინ ფუდის” (Weleda Skin Food) 100 წლის იუბილესთან დაკავშირებით, 3 მარტიდან წლის ბოლომდე, თითოეული პროდუქტის გაყიდვიდან შემოსული თანხის ნაწილი ძალადობისგან დაცვის ეროვნული ქსელის თავშესაფარს გადაეცემა.“აღნიშნული ინიციატივა არის ერთი მხრივ, სოლიდარობის და მეორე მხრივ, კერძო სექტორის მაღალი სოციალური პასუხისმგებლობის მაგალითი. ეს არის თანადგომა ძალადობაგამოვლილი ქალებისა და გოგოებისთვის, მათი მხარდაჭერა, მიიღონ ფსიქოლოგიური, იურიდიული, რეპროდუქციულ ჯანმრთელობასთან დაკავშირებული სერვისები. გვიხარია, რომ გაეროს მოსახლეობის ფონდი და ეკობრენდსი, ერთობლივი ძალებით გავაგრძელებთ ქალთა გაძლიერებისკენ გასავლელ გზას" - ამბობს UNFPA-ის გენდერის ანალიტიკოსი ნანა ავალიანი. ეკობრენდს ჯორჯიას აღმასრულებელი დირექტორის, ნათია ჭინჭარაულის თქმით, საქართველოში 28 წლიანი არსებობის მანძილზე, ეკობრენდსი ყოველთვის ახორციელებს ამა თუ იმ სოციალური პასუხისმგელობის ინიციატივას. 
“რაც უფრო მეტად იზრდება კომპანია, გვინდა, უფრო და უფრო მეტი გავაკეთოთ. ველედას საქართველოში შემოტანის მიზანიც ეს იყო, რომ ხელი შეეწყო ჯანსაღი პროდუქტისა და ცხოვრების წესის დანერგვისთვის. გვინდა, რომ ეს მისია გავაგრძელოთ. გვიხაია, რომ ასეთი ორგანიზაცია ვნახეთ, რომელიც რეალურ, ხელშესახებ ცვლილებებზე ზრუნავს და ასეთ კარგ საქმეებს აკეთებს იმ ადამიანებისთვის, ვისაც ეს მართლა სჭირდება” - ამბობს ნათია ჭინჭარაული. UNFPA-ისა და ეკობრენდსის კოლაბორაცია იმის მაგალითია, თუ როგორი მნიშვნელოვანი შეიძლება იყოს პარტნიორობა კერძო სექტორთან, სოციალური საკითხების აღმოსაფხვრელად, რათა არავინ დარჩეს ყურადღების მიღმა, განსაკუთრებით - ძალადობაგამოვლილი ქალები და ბავშვები.გაეროს მოსახლეობის ფონდი უწყვეტად განაგრძობს პარტნიორებთან ერთად ძალადობის წინააღმდეგ ბრძლას, რესურსების მობილიზაციას და ერთობლივი ინიციატივების განხორციელებას ხელშესახები ცვლილების მისაღწევად.