გაეროს მდგრადი განვითარების თანამშრომლობის ხელშეკრულების (2021-2025) ერთობლივი სამეთვალყურეო საბჭოს პირველი შეხვედრა გაიმართა

გაერთიანებული ერების ორგანიზაციამ საქართველოში და საქართველოს მთავრობამ ერთობლივად უმასპინძლეს გაეროს მდგრადი განვითარების თანამშრომლობის ხელშეკრულების  (2021-2025) ერთობლივი სამეთვალყურეო საბჭოს შეხვედრას.

ერთობლივი სამეთვალყურეო საბჭო გაეროს მდგრადი განვითარების თანამშრომლობის ხელშეკრულების (UNSDCF) განხორციელების უმაღლესი მმართველი სტრუქტურაა.

გახსნისას საქართველოს მთავრობის ადმინისტრაციის უფროსის მოადგილემ ზვიად ბარქაიამ და გაეროს მუდმივმა კოორდინატორმა საბინე მახლმა ხაზი გაუსვეს გაეროსა და საქართველოს მთავრობას შორის არსებულ წარმატებულ თანამშრომლობას.

შეხვედრაზე შედეგების ჯგუფების თანათავმჯდომარეებმა გასული წლის განმავლობაში თანამშრომლობის ხელშეკრულების ხუთი პრიორიტეტული მიმართულების ფარგლებში მიღწეული შედეგები, არსებული გამოწვევები და  პრიორიტეტული მიმართულებები განიხილეს.

აღინიშნა, რომ  გაერო და საქართველოს მთავრობა გააგრძელებენ თანამშრომლობას თანამშრომლობის ხელშეკრულების განსახორციელებლად  და ყველასთვის კეთილდღეობის, თანასწორობისა და კეთილდღეობის ხელშეწყობისთვის.

ერთობლივი სამეთვალყურეო საბჭო შედეგების შემდგომ განხილვას 2023 წლის გაზაფხულზე გეგმავს.

-----

გაერთიანებული ერების ორგანიზაცია საქართველოში ახორციელებს მიმდინარე თანამშრომლობის ხელშეკრულებას 2021 წლიდან. ხელშეკრულება შემუშავდა და მიღებულ იქნა საქართველოს მთავრობასთან და სხვა ეროვნულ და რეგიონულ აქტორებთან მჭიდრო კონსულტაციით 2020 წლის განმავლობაში. ხელშეკრულება წარმოადგენს ერთობლივ ვალდებულებას ხელი შეუწყონ საქართველოს განვითარების დღის წესრიგის განხორცილებას. ხელშეკრულების მთავარი მიზანია 2025 წლისთვის საქართველოში კეთილდღეობის, შესაძლებლობების და სოციალური თანასწორობის გაძლიერება.