გაერთიანებული ერების ორგანიზაცია საქართველოში

მდგრადი განვითარების მიზნები წარმოადგენს გლობალურ მოწოდებას მოქმედებისკენ, რომელიც მიზმად ისახავს სიღარიბის აღმოფხვრას, დედამიწის გარემოსა და კლიმატის დაცვას და მსოფლიოში ყველა ადამიანისთვის მშვიდობისა და კეთილდღეობის მოპოვებას. ეს ის მიზნებია, რომელზეც გაერო მუშაობს საქართველოში:

მშვიდობა, სამართლიანობა, ძლიერი ინსტიტუციები

შეიტყვეთ მეტი

ისტორია

20 ივნისი 2024

დიდიე ტღებიუკი საქართველოში გაერთიანებული ერების ორგანიზაციის მუდმივი კოორდინატორის მოვალეობის შესრულებას ოფიციალურად შეუდგა

დღეს დიდიე ტღებიუკმა, გაერთიანებული ერების ორგანიზაციის ახალმა მუდმივმა კოორდინატორმა საქართველოში, საქართველოს პრეზიდენტს, მის აღმატებულებას ქალბატონ სალომე ზურაბიშვილს რწმუნებათა სიგელი ოფიციალურად გადასცა.ბატონმა ტღებიუკმა პრეზიდენტ ზურაბიშვილს მადლობა გადაუხადა საქართველოსა და გაერთიანებული ერების ორგანიზაციას შორის არსებული მჭიდრო თანამშრომლობისთვის და კიდევ ერთხელ დაადასტურა გაეროს მზადყოფნა, განაგრძოს ქართველი ხალხის მხარდაჭერა ქვეყნის მდგრადი განვითარების გზაზე. ,,ჩემთვის დიდი პატივია საქართველოში გაეროს გუნდის ხელმძღვანელობა“, - განაცხადა მან. „მოუთმენლად ველი ჩვენს ადგილობრივ და საერთაშორისო პარტნიორებთან ერთად მუშაობას, რათა ხელი შევუწყოთ მდგრადი განვითარების მიზნების მიღწევასა და თითოეული ადამიანისთვის უფრო სამართლიანი, მდგრადი და მშვიდობიანი მომავლის აშენებას“.მანამდე, დიდიე ტღებიუკმა რწმუნებათა სიგელის ასლები საქართველოს საგარეო საქმეთა მინისტრის პირველ მოადგილეს, ლაშა დარსალიას გადასცა.© საქართველოს საგარეო საქმეთა სამინისტროგაეროს გენერალურმა მდივანმა ანტონიუ გუტერეშმა, მასპინძელი მთავრობის თანხმობით, ფრანგი დიდიე ტღებიუკი საქართველოში გაერთიანებული ერების ორგანიზაციის მუდმივ კოორდინატორად 17 ივნისს დანიშნა. დიდიე ტღებიუკს გაეროსა და საერთაშორისო ორგანიზაციებში მდგრადი განვითარების, კლიმატის ცვლილების, სოციალური საკითხების, მშვიდობისა და განვითარების, კრიზისების პრევენციისა და ჰუმანიტარულ სფეროებში მუშაობის 24-წლიანი გამოცდილება აქვს. ბოლო დროს მუშაობდა გაეროს მუდმივ კოორდინატორად ბარბადოსსა და აღმოსავლეთ კარიბის ქვეყნებში, სადაც გაეროს 20-ზე მეტი სააგენტოს, ფონდისა და პროგრამისგან შემდგარ ქვერეგიონულ გუნდს ხელმძღვანელობდა 10 ქვეყანასა და ტერიტორიაზე.ბატონი დიდიე ტღებიუკი ადრე გახლდათ გაეროს განვითარების პროგრამის (UNDP) ხელმძღვანელი ბრაზილიაში, ხოლო პერუსა და გაიანაში გაეროს განვითარების პროგრამის (UNDP) მუდმივი წარმომადგენლის მოადგილე. აგრეთვე, მუშაობდა ინდოეთში გაეროს განვითარების პროგრამის კრიზისის პრევენციისა და აღდგენის ჯგუფის ხელმძღვანელად.გაერთიანებული ერების ორგანიზაციაში მუშაობის დაწყებამდე ბ-ნი ტღებიუკი საფრანგეთის წითელი ჯვრის დელეგაციას ხელმძღვანელობდა კოლუმბიასა და ეკვადორში. ის ასევე მუშაობდა ორგანიზაციაში „ექიმები საზღვრების გარეშე“ (Médecins Sans Frontières) ყირგიზეთსა და ტაჯიკეთში, მანამდე კი - საფრანგეთში, კერძო სექტორში.ბატონმა ტღებიუკმა დაამთავრა ლონდონის იმპერიული კოლეჯი (დიდი ბრიტანეთი) და ფლობს მეცნიერების მაგისტრის ხარისხს მდგრადი განვითარების მიმართულებით, სპეციალობით – გარემოსდაცვითი ეკონომიკა. მას ასევე მოპოვებული აქვს ბიზნესადმინისტრირების და მართვის მაგისტრის ხარისხი საფრანგეთის მართვის ინსტიტუტიდან (Institut Français de Gestion), საფრანგეთი.

წაიკითხეთ სრულად

1 of 2

ისტორია

26 იანვარი 2026

ოქროს ხორბალი

2025 წლის დეკემბერში, გაეროს განათლების, მეცნიერებისა და კულტურის ორგანიზაციამ (UNESCO) ‘ქართული ხორბლის კულტურა - ტრადიციები და რიტუალები’ კაცობრიობის არამატერიალური კულტურული მემკვიდრეობის ნუსხაში შეიტანა. ამ გადაწყვეტილებამ, რომელსაც საქართველო დიდი ხანია ელოდა, ქართული ხორბლის უნიკალურობა და მნიშვნელობა კიდევ ერთხელ დაადასტურა.ღვინის 8,000-წლოვანი ტრადიციის მსოფლიო აღიარების შემდეგ, საქართველომ ვაზისა და ღვინის სამშობლოდ დაიმკვიდრა სახელი. დღეს, ამ სიას ხორბლის მოყვანისა და პურ-ცხობის ტრადიციაც დაემატა. თუმცა, UNESCO-ს გადაწყვეტილება მხოლოდ წარსულის პატივისცემა როდია. ის ახალ შესაძლებლობებს ქმნის საქართველოს უნიკალური ბიომრავალფეროვნების დაცვისთვის, ენდემური ჯიშების შენარჩუნებისა და რეკულტივაციისთვის და ასევე, ტრადიციული სასოფლო-სამეურნეო პრაქტიკის შესწავლისთვის, რაც კლიმატის ცვლილების პირობებში, განსაკუთრებით კრიტიკულია.ქართველებისთვის ხორბალი და ვაზი მხოლოდ სასოფლო-სამეურნეო კულტურები არასდროს ყოფილა. ეს ჩვენი ქვეყნის ემოციური ლანდშაფტის, ისტორიული მეხსიერების, წეს-ჩვეულებებისა და ყოველდღიურობის ნაწილია.„ხორბლის მოყვანის ტრადიცია ისეთ ღირებულებებზეა აგებული, როგორებიცაა ერთიანობა, სამართლიანობა და საერთო პასუხისმგებლობა“, - ამბობს ლალი მესხი, ქართული ხორბლის მწარმოებელთა გაერთიანების დამფუძნებელი და UNESCO-ში გაგზავნილი განაცხადის ავტორი. „ქართველებისთვის პური წმინდაა. პურის გადაგდება ან პირქვე დადება არ შეიძლება, რადგან პური მიწიერსა და ღვთაებრივს შორის ხიდია“.ქართული ხორბლის მწარმოებელთა გაერთიანება უკვე წლებია ჩართულია ადგილობრივი ენდემური ხორბლის ჯიშებისა და ლენდრასების, ანუ ხალხური სელექციის გზით მიღებული ჯიშების შენარჩუნებისა და აღდგენის საქმეში. 2020 წელს, როდესაც ორგანიზაციამ აღმოსავლეთ საქართველოში, კერძოდ ქართლ-კახეთსა და თუშეთში, რამდენიმე საცდელი პროექტი წამოიწყო, გაეროს განვითარების პროგრამისა (UNDP) და გლობალური გარემოსდაცვითი ფონდის (GEF) მცირე გრანტების პროგრამამ მას დახმარება გაუწია და საპილოტე ინიციატივები დაუფინანსა. UNDP-სა და GEF-ის კომპლექსური დახმარება ფინანსირებას, ექსპერტულ ხელშეწყობასა და სათემო კავშირების მხარდაჭერას მოიცავდა, რამაც სათანადო შედეგი გამოიღო. ადგილობრივი ფერმერები ენდემური ხორბლის ჯიშების აღდგენაში აქტიურად ჩაერთნენ და რამდენიმე ექსპერიმენტული პროექტიც განახორციელეს.„UNDP-სა და GEF-ის მხარდაჭერით, ჩვენ ხორბლის ენდემური ჯიშებისა და ლენდრასების აღდგენა დავიწყეთ. თავდაპირველად სანერგეებში მოვაშენეთ, ხოლო შემდეგ 50 ჰექტარი ფართობის ნაკვეთებზე გადავიტანეთ. ფერმერებმა შესაბამისი ტრენინგი გაიარეს. ინფორმაცია საკმაოდ სწრაფად გავრცელდა და თანდათან, ენდემური ხორბლის ჯიშებით სულ უფრო მეტი ფერმერი დაინტერესდა“, - იხსენებს ლალი მესხი.დღეს, მცირე სათემო პროექტით დაწყებულმა ექსპერიმენტმა უფრო ფართომასშტაბიან შედეგებს ჩაუყარა საფუძველი. რამდენიმე სოფელში განხორციელებულმა პროექტმა ცხადყო, რომ ხორბლის ენდემური ჯიშების შენარჩუნებასა და აღდგენას მნიშვნელოვანი წვლილის შეტანა შეუძლია ისეთ სფეროებში, როგორებიცაა გასტრონომიული და ეკოტურიზმის განვითარება, ჯანსაღი კვების პოპულარიზაცია, სურსათის უვნებლობის უფრო მაღალი სტანდარტის დამკვიდრება და რაც მთავარია, ეკონომიკურად უფრო მედეგი და წარმატებული სოფლის მშენებლობა.საქართველოს ოქროს ხორბალი არა მხოლოდ სასოფლო-სამეურნეო მემკვიდრეობაა. ეს ქართველი ხალხის ისტორიული მეხსიერება და სიამაყეა, რომელმაც ათასწლეულების მანძილზე, ხორბლის უძველესი ჯიშები ხელიდან ხელში, კომლიდან კომლში, ერთი სოფლიდან მეორეში ატარა და თანამედროვე მსოფლიოს შემოუნახა. დღეს კი ეს ცოცხალი მემკვიდრეობა თანამედროვე კლიმატგონივრული სოფლის მეურნეობისა და ჯანსაღი ცხოვრების წესის დამკვიდრებაში გვეხმარება.ენდემური ხორბლის ყანა სოფელ ასურეთში. ფოტოს ავტორი: UNDP | ვლადიმირ ვალიშვილიენდემური ხორბლის საიდუმლომსოფლიოში ცნობილი ხორბლის ოცი სახეობიდან თხუთმეტი საქართველოშია აღწერილი. ამათგან ხუთი სახეობა საქართველოს ენდემია და სხვაგან არსად გვხვდება. ამ უძველესი ჯიშების სახელები საუკუნეების რიტმს ატარებს: მახა, ზანდური, დიკა, კოლხური ასლი და ჩელტა ზანდური.კვლევები ცხადყოფს, რომ ეს ჯადოსნური ხორბლის ჯიშები ათასწლეულების მანძილზე ვითარდებოდნენ და ბევრი განსაკუთრებული თვისება შეიძინეს, მათ შორის, ძლიერი იმუნიტეტი და გამძლეობა. ზოგი სოკოვანი დაავადებების მიმართ მედეგია, ზოგი კი მწირ ნიადაგზე და გვალვის პირობებშიც კი სტაბილურ მოსავალს იძლევა. დღევანდელ სამყაროში, სადაც კლიმატი არაპროგნოზირებადია, ხოლო სოფლის მეურნეობას სულ უფრო მეტი საფრთხე ემუქრება, ასეთი გენეტიკური საგანძური განსაკუთრებით ძვირფასია. ქართული ხორბლის ისტორია ისეთივე უნიკალურია, როგორც ქართული ვაზის. არქეოლოგიური და პალეობოტანიკური კვლევებით ირკვევა, რომ ჩვენი რეგიონი მარცვლეულის კულტივაციის ერთ-ერთი უძველესი კერა უნდა იყოს, ხოლო ქართული ხორბალი, სავარაუდოდ, რვა ათასწლეულზე მეტს ითვლის. თანამედროვე ფერმერებისთვის, ამ უძველესი მარცვლეულის რეკულტივაცია კლიმატისადმი მედეგი და მდგრადი გადაწყვეტაა.მკვლევარებისთვის - უნიკალური ინფორმაციის წყარო, რომელიც სოფლის მეურნეობას ისტორიულ ტრადიციაზე დაფუძნებულ, თუმცა სრულიად ახლებურ ხედვას შესძენს.ხოლო ადგილობრივი მაცხოვრებლებისთვის, ენდემური ხორბლის დაბრუნება წარსულთან დაკარგული კავშირის აღდგენაა, შეხსენება, რომ თანამედროვეობის უმწვავესი გამოწვევების გასაღები სწორედ ისტორიულ ცოდნაშია.ენდემური ხორბლის ყანა სოფელ ასურეთში. ფოტოს ავტორი: UNDP| ვლადიმირ ვალიშვილიერთად მწვანე განვითარებისკენსაქართველოს ენდემური ხორბლის ჯიშების დაცვა და პოპულარიზაცია 100-ზე ადგილობრივი ინიციატივის რიცხვშია, რომლებიც გაეროს განვითარების პროგრამისა (UNDP) და გლობალური გარემოსდაცვითი ფონდის (GEF) მცირე გრანტების პროგრამის ხელშეწყობით განხორციელდა.2012 წლიდან, ამ მცირემასშტაბიან, თუმცა საკმაოდ შედეგიან პროექტებზე სულ 2.5 მილიონ აშშ დოლარზე მეტი დაიხარჯა, ხოლო მათ განხორციელებაში უამრავი ადგილობრივი არასამთავრობო ორგანიზაცია, სათემო ჯგუფი და ადგილობრივი თვითმმართველობა ჩაერთო.პროექტების სპექტრი საკმაოდ ფართოა და ადილობრივი მოსახლეობის მიერ შერჩეულ საკითხებსა და გამოწვევებს ეხმიანება, მათ შორის ბიომრავალფეროვნების შენარჩუნებას, ეკოტურიზმის განვითარებას, მდგრადი სოფლის მეურნეობის დანერგვას, მწვანე მეწარმეობის ხელშეწყობასა და კლიმატის ცვლილებასთან ადაპტაციას. პრაქტიკულად ყველა პროექტი სოციალური ჩართულობის ხელშეწყობას, ქალთა უფლებების დაცვასა და ადგილობრივი ეკონომიკის მხარდაჭერას ითვალისწინებს.„ამ მნიშვნელოვანი პროგრამის შედეგად, ადგილობრივი მოსახლეობა, მუნიციპალიტეტები, სამოქალაქო საზოგადოება, მკვლევარები და მეწარმეები ერთად მუშაობენ მდგრადი და კლიმატგონივრული მომავლის შესაქმნელად, სადაც ყველას თავისი წილი პასუხისმგებლობა აკისრია ადამიანებისა და პლანეტის წინაშე“, - ამბობს დაგლას უები, UNDP-ის მუდმივი წარმომადგენელი საქართველოში.ბოლო წლებში, UNDP-სა და GEF-ის მცირე გრანტების პროგრამის მხარდაჭერით, შემდეგი ინიციატივები განხორციელდა: მტკვრის ჭალის აღდგენა რუსთავში (2023-2025)მაღალმთიანი საძოვრების აღდგენა თეთრიწყაროში (2023-2025) ადგილობრივი ფერმერული მეურნეობების მტაცებლებისგან დაცვა ბორჯომ-ხარაგაულში ველური ბუნებისადმი მეგობრული მეთოდების, მათ შორის განახლებად ენერგიაზე მომუშავე ელექტროღობეების გამოყენებით (2023-2024)იშვიათი და გადაშენების პირას მყოფი ფრინველების დაცვა ჭაჭუნას აღკვეთილში (2022-2024)მდგრადი სოფლის მეურნეობის ხელშეწყობა და კომპოსტირების პრაქტიკის დანერგვა იმერეთის რეგიონში (2021-2023)ადგილობრივი სკოლის გამწვანება ნიგვზარში (2021-2023) კლიმატგონივრული სოფლის მეურნეობის განვითარება წალკაში (2021-2023)ეკოტურიზმის განვითარება და შესაბამისი ინფრასტრუქტურის შექმნა ბორჯომ-ხარაგაულის ეროვნულ პარკში (2021-2023)ინოვაციური გარემოსდაცვითი განათლება თეატრალური წარმოდგენების გზით თბილისში (2022)მდგრადი სოფლის მეურნეობის ხელშეწყობა და ბიოლოგიური სასუქის წარმოება თიანეთში (2021-2022)ეკოტურიზმის ხელშეწყობა და შესაბამისი ინფრასტრუქტურის შექმნა ვაშლოვანის დაცულ ტერიტორიებსა და ტაბაწყურში (2021-2022)სრული ინფორმაცია GEF მცირე გრანტების პროგრამის შესახებ ხელმისაწვდომია ამ გვერდზე.

წაიკითხეთ სრულად

1 of 5

ისტორია

06 მაისი 2025

მეწარმე ქალები საქართველოდან ახალ ცოდნასა და შესაძლებლობებს იღებენ

164 მეწარმე ქალი საქმიანობას ახალი ცოდნითა და უნარებით გააგრძელებს. გაეროს ქალთა ორგანიზაციამ, საქართველოს ფერმერთა ასოციაციასა და საქართველოს სავაჭრო-სამრეწველო პალატასთან თანამშრომლობით, რეგიონებში მცხოვრები ქალებისთვის, რომლებიც ბიზნესებს სხვადასხვა სფეროში უძღვებიან, პროექტი “მეწარმე ქალთა მხარდაჭერა საქართველოში” განახორციელა.ინიციატივა 2024 წლის იანვარში დაიწყო. ბიზნესის დიაგნოსტირების ინსტრუმენტების დახმარებით, თავდაპირველად მეწარმე ქალების ბიზნესსაჭიროებებზე მორგებული ტრენინგები, სემინარები, ინდივიდუალური და ჯგუფური მენტორობის პროგრამები შემუშავდა. შედეგად, მონაწილეები ბრენდინგში, ციფრულ მარკეტინგში, ელექტრონულ კომერციაში, ბიზნესის მართვასა და გაყიდვებში გადამზადდნენ. ამას გარდა, მათ საფინანსო და საგადასახადო ინსტრუმენტების შესახებ ღირებული ცოდნა მიიღეს და დაამყარეს სასარგებლო კავშირები, რომლებიც ბიზნესების გაფართოებასა და განვითარებაში დაეხმარებათ.29 წლის სალი კალანდაძე ინიციატივის ერთ-ერთი მონაწილეა. უმაღლესი განათლება ტურიზმის მიმართულებით მიიღო, ახლა კი გურიაში, ლანჩხუთის მუნიციპალიტეტის სოფელ ნიგოითში 30-მდე სახეობის ორგანული ბოსტნეული მოჰყავს.“ჩვენს საჭიროებებზე მორგებული ტრენინგები ჩაგვიტარდა, მენტორებიც აქტუალურ თემებზე გვესაუბრებოდნენ. რაც მთავარია, პროექტში მონაწილეობამ გამაცნო და დამაკავშირა საერთო ინტერესების მქონე მეწარმეებთან, რაც ვფიქრობ, ძალიან მნიშვნელოვანია. მომავალში ეს ქალები აუცილებლად ვითანამშრომლებთ და ერთად უფრო დიდ ნაბიჯებს გადავდგამთ ქვეყნის გასაძლიერებლად”, - ამბობს სალომე, რომელიც სოფელ ნიგოითში აგროტურისტული ობიექტის განვითარებასა და ვიზიტორების მიღებას გეგმავს.საგულისხმოა, რომ პროექტის ფარგლებში მეწარმე ქალების ბიზნესსაქმიანობებისთვის სოციალურ ქსელებსა და ონლაინპლატფორმებზე პროფილები შეიქმნა. მონაწილეები სოციალური მედიის მართვასა და ელექტრონული კომერციის ინტერნეტრესურსებზე პროდუქტების განთავსებაშიც დატრენინგდნენ, რაც სამომავლოდ მათ ამ პროფილების დამოუკიდებლად მართვის საშუალებას მისცემს. ინიციატივა მეწარმე ქალებისთვის სასწავლო ვიზიტებსაც მოიცავდა.გაეროს ქალთა ორგანიზაცია 2019 წლიდან მეწარმე ქალების გაძლიერებაზე, მათი საქმიანობების განვითარებისა და გაფართოების ხელშეწყობაზე მუშაობს. ეს მხარდაჭერა მეწარმე ქალებისთვის მნიშვნელოვანი და ღირებული ცოდნისა და გამოცდილებების გაზიარებას, საჭირო უნარების გაძლიერებას, სასარგებლო ბიზნესკავშირების დამყარებაში დახმარებას, მენტორინგს, ონლაინგაყიდვებისა და ფინანსებზე ხელმისაწვდომობის გაზრდას გულისხმობს. მეწარმე ქალთა გაძლიერების ის ინიციატივები, რომლებიც საქართველოს ფერმერთა ასოციაციასა და საქართველოს სავაჭრო-სამრეწველო პალატასთან თანამშრომლობით განხორციელდა, წარმოადგენდა პროექტის „კარგი მმართველობა გენდერული თანასწორობის ხელშეწყობისთვის საქართველოში“ ქალთა ეკონომიკური გაძლიერების კომპონენტის ნაწილს. პროექტს ნორვეგიის სააგენტო განვითარების თანამშრომლობისთვის აფინანსებს.

წაიკითხეთ სრულად

1 of 5

ისტორია

29 აპრილი 2025

ახალი ცხოვრების დასაწყისი

2022 წლის თებერვალში რუსეთის უკრაინაში სრულმასშტაბიანი შეჭრის შემდეგ, მილიონობით უკრაინელს საკუთარი სამშობლოს დატოვება მოუხდა უსაფრთხოების გამო. დაახლოებით 245,000-მა ადამიანმა თავშესაფარი საქართველოში იპოვა, რომელთაგან დაახლოებით 26,600 ახლაც აქ ცხოვრობს. უცხო ქვეყანაში საცხოვრებლად გადასვლამრავალ გამოწვევას წარმოქმნის, განსაკუთრებით კი იმ ოჯახებში, რომელთა უფროსებიც ქალები არიან და რომლებიც ლტოლვილი მოსახლეობის მნიშვნელოვან ნაწილს შეადგენენ - იძულებით გადაადგილებულ პირთა 62 პროცენტი ქალია.გაერთიანებული ერების ორგანიზაცია რამდენიმე პარტნიორთან ერთად მუშაობს ყოვლისმომცველი მიდგომის შემუშავებისთვის ლტოლვილთა მხარდასაჭერად, უკრაინელი მოქალაქეების ჩათვლით, ვისი ცხოვრებაც კონფლიქტის შედეგად დაირღვა. ეს ხარდაჭერა მათ უსაფრთხოებას და მასპინძელ საზოგადოებაში ინტეგრაციას უზრუნველყოფს.საქართველოში გაეროს საქმიანობის ხელმძღვანელობის ფარგლებში, მე დასავლეთ საქართველოს ორ ქალაქს, ბათუმსა და ქუთაისს ვეწვიე, სადაც დიდი უკრაინული თემი ცხოვრობს. ამ ვიზიტის დროს, ჩემთვის შთამაგონებელი აღმოჩნდა სნიჟანა ჩებანენკოს, უკრაინელი ქალის ისტორია, ვინც საკუთარ ქვეყანაში მიმდინარე კონფლიქტს გამოექცა და ამ რეგიონში დასახლდა. სნიჟანას გამოცდილებამ პირდაპირ მაჩვენა, თუ როგორ გახდა გაეროს მიერ შეთავაზებული დასაქმების შესაძლებლობები მისთვის შემოსავლის მიღების უმნიშვნელოვანესი წყარო და იმედის მომცემი ნაპერწკალი ამ ურთულეს პერიოდში. სნიჟანა აღმოსავლეთ უკრაინაში მდებარე მშობლიური ქალაქიდან 2022 წლის დასაწყისში გამოიქცა და იქ არა მხოლოდ სახლი, არამედ ოცნებებიც დატოვა. ის ქუთაისში შვილთან ერთად ჩამოვიდა, სადაც ახალი ცხოვრების დაწყების შიშისმომგვრელი გამოწვევა ელოდა იმ ფონზე, როცა ომის ტრავმასთან ბრძოლა ჯერ კიდევ უწევდა. სნიჟანა გაჭირვებით ცდილობდა ფეხის მოკიდებას იმ გარემოში, სადაც ბევრი გაურკვევლობა და მცირე რესურსები იყო.სნიჟანას გზამ დადებითი მიმართულებით გადაუხვია, როცა მან გაეროსგან დახმარება მიიღო გაეროს განვითარების პროგრამის (UNDP) და ქეა კავკასიის (CARE Caucasus) გრანტის მეშვეობით. ამ მხარდაჭერის შედეგად, მან ქუთაისში სილამაზის სალონი „ჰეა ლაბ სტუდიო“ (Hair Lab Studio) გახსნა.მიკროდაფინანსების და ბიზნესის საკითხებში მენტორობის გაწევის მიზნით სხვადასხვა პროგრამა შემუშავდა, რომლებიც უკრაინელ მეწარმეებს საკუთარი ბიზნესის დაწყებაში დაეხმარებოდა. მცირე საწარმოების მხარდასაჭერად 5000-დან 8000 დოლარამდე გრანტები გაიცა, რომელთა მიზანი იყო ეკონომიკური საქმიანობის აღდგენის სტიმულირება, ღირსეულ სამუშაოზე წვდომის გაზრდა და უფრო მეტი შემოსავლის გენერირება საქართველოში მცხოვრები უკრაინელი მოქალაქეებისთვის. გარდა ამისა, ლტოლვილები ტრენინგებს გადიან ბიზნეს უნარების გასაუმჯობესებლად, რაც მათ თავიანთ თემში დასაქმების შესაძლებლობების შექმნაში ეხმარება.ზემოაღნიშნული საგრანტო დახმარება იმ უფრო ფართო ინიციატივის ნაწილია, რომელიც 1.62 მილიონი დოლარით არის დაფინანსებული გერმანიის მთავრობის მიერ და რასაც გაეროს განვითარების პროგრამა (UNDP) ახორციელებს საქართველოს ხელისუფლებასთან, სამოქალაქო საზოგადოების ორგანიზაციებსა და გაეროს ლტოლვილთა უმაღლეს კომისარიატთან (UNHCR) თანამშრომლობით. აღნიშნული ინიციატივის მიზანია კანონის უზენაესობის ინსტიტუტების გაძლიერება, მართლმსაჯულებაზე წვდომის გაუმჯობესება და საზოგადოების დაუცველი ჯგუფების, მათ შორის, უკრაინელი ლტოლვილების სოციალურ-ეკონომიკური მდგრადობის უზრუნველყოფა საქართველოში.აღნიშნული მხარდაჭერის შედეგად 39-ზემეტი ბიზნესი შეიქმნა უკრაინელი მეწარმეების, ძირითადად ქალების მიერ. ფინანსური დამოუკიდებლობის უზრუნველყოფის გარდა, ამ საწარმოებს ასევე მნიშვნელოვანი წვლილი შეაქვთ ადგილობრივ ეკონომიკაში, მდგრადი დასაქმების შესაძლებლობების შექმნის გზით. საუბრის დროს სნიჟანამ გაგვიზიარა, თუ როგორ განაპირობა ამ მცირე ბიზნესმა მისი ფინანსური დამოუკიდებლობა და როგორ დაეხმარა წარსული ტრავმების დაძლევაში, როცა საქართველოში ახალი ცხოვრების დაწყება მოუხდა. „ეს სალონი ჩემთვის უფრო მეტია, ვიდრე უბრალოდ ბიზნესი; ეს მე ტრავმების დაძლევაში დამეხმარა. ეს უკვე ჩემი ახალი ცხოვრების სიმბოლოა“, - აღნიშნა მან.სნიჟანას სილამაზის სალონი სწრაფად გახდა პოპულარული უკრაინელებსა და ადგილობრივ მოსახლეობას შორის. ბიზნეს ტრენინგებში მონაწილეობის შედეგად, სნიჟანამ თავდაჯერებულობა აღიდგინა და მთელი ყურადღება ბიზნესის განვითარებაზე გადაიტანა. ის ახლა უფრო დიდი ფართის დაქირავებას გეგმავს, რათა თავისი საქმიანობა კიდევ უფრო გააფართოოს და დამატებითი სამუშაო შესაძლებლობები შექმნას თავის თემში. „აქ ჩამოსვლისას იმედის გარდა არაფერი გამაჩნდა“, - გაიხსენამან. „საქართველო ჩვენთვის მეორე სახლია. აქ მაქვს ბიზნესი, აქ მყავს ბევრი ნაცნობი და ვგრძნობ, რომ ჩემიანებთან ვარ.“ მან დიდი მადლიერება გამოხატა დახმარების სისტემების მიმართ, რომლებმაც მის რეინტეგრაციაში გადამწყვეტი როლი ითამაშეს. გამოწვევები დაშესაძლებლობებიიმ ფონზე, როცა უკრაინელი ლტოლვილების სოციალური და ეკონომიკური ინტეგრაცია მნიშვნელოვან გამოწვევებს წარმოადგენს, ეს ასევე უფრო მეტი ზრდის შესაძლებლობებს ქმნის ადგილობრივ დონეზე. აღნიშნული პოტენციალის გამოყენება კოლექტიურ ძალისხმევას მოითხოვს, რომლის მიზანიცაა საცხოვრებელი პირობების, განათლების და ჯანდაცვის სერვისების გაუმჯობესება, უფრო მეტი სამუშაო ადგილის შექმნა და უთანასწორობის დაძლევა. სნიჟანას მსგავსი ადამიანების მიერ ნაჩვენები გამძლეობა იმაზე მეტყველებს, თუ როგორ ხდება შესაძლებელი ლტოლვილების გაძლიერება ეფექტური დახმარების წყალობით, რათა მათ თავიანთი ცხოვრება თავიდან დაიწყონ და ამავდროულად, დადებითი წვლილი შეიტანონ მასპინძელი საზოგადოების წარმატებაში.მუდმივი კოორდინატორის ხელმძღვანელობით, გაეროს გუნდი საქართველოში რეგულარულად თანამშრომლობს ეროვნულ ხელისუფლებასთან, რათა ჩვენი ერთობლივი ადვოკატირების სამუშაოები გაფართოვდეს და თანამშრომლობის სივრცეები შეიქმნას ლტოლვილთა კეთილდღეობისთვის, მათი დაცვისა და მასპინძელ თემში ინტეგრაციისთვის.გაეროს მრავალმხრივი მიდგომა უკრაინელი ლტოლვილების გადაუდებელი საჭიროებების დაკმაყოფილებას, გრძელვადიანი მდგრადობის და ინტეგრაციის ხელშეწყობას ისახავს მიზნად განვითარებაზე მიმართული სხვადასხვა ინტერვენციების მეშვეობით, სტარტაპ ბიზნეს იდეების მხარდაჭერით დაწყებული, ტრენინგებით დამთავრებული. ბოლო რამდენიმე წლის განმავლობაში, ჩვენი მხარდაჭერა ფინანსურ დახმარებას, ჯანდაცვაზე წვდომას, ფსიქოლოგიურ კონსულტაციებს, უფასო იურიდიულ კონსულტაციებს და საგანმანათლებლო შესაძლებლობებს ითვალისწინებდა.აღნიშნული მხარდაჭერის კარგი მაგალითია „უკრაინული სახლი“, რომელიც გერმანიის მთავრობისა და გაეროს განვითარების პროგრამის (UNDP) მხარდაჭერით გაიხსნა 2023 წლის სექტემბერში. გახსნის დღიდან მოყოლებული, მან 4000 სტუმარი მიიღო, 150-ზე მეტ კულტურულ და სოციალურ ღონისძიებას უმასპინძლა და მრავალფეროვანი მომსახურება შესთავაზა, როგორიცაა: ენის კურსები, ფსიქოლოგიური კონსულტაციები და თერაპია, ხელოვნებისა და დრამის გაკვეთილები, ასევე თემატური სემინარები.უკრაინელი ლტოლვილებისთვის ასევე რეფერალური სისტემაც მოქმედებს, რათა მათ სახელმწიფო უწყებებისა და სამოქალაქო საზოგადოების ორგანიზაციების მიერ მოწოდებული სოციალურ-ეკონომიკური მომსახურების მიღება შეძლონ. ამას გარდა, გაეროს რამდენიმე სააგენტო, მათ შორის: გაეროს ადამიანის უფლებათა უმაღლესი კომისრის ოფისი (OHCHR),გაეროს მოსახლეობის ფონდი (UNFPA), გაეროს ბავშვთა ფონდი - იუნისეფი (UNICEF), გაეროს ქალთა ორგანიზაცია (UN Women) და ჯანდაცვის მსოფლიო ორგანიზაცია (WHO), საქართველოს ჯანდაცვის სამინისტროსა და შეზღუდული შესაძლებლობის მქონე პირთა ორგანიზაციებთან თანამშრომლობენ, უკრაინელი შეზღუდული შესაძლებლობის მქონე ლტოლვილების მხარდაჭერის მიზნით.მომავლის ხედვაუკრაინაში მიმდინარე კრიზისისა და მისი მოქალაქეების ხანგრძლივი დევნილობის გათვალისწინებით, არსებითი მნიშვნელობისაა უწყვეტი მხარდაჭერის გაწევა ლტოლვილებისთვის, განსაკუთრებით კი ქალებისა და ბავშვებისთვის. გაერო და მისი პარტნიორები კვლავ ერთგულად განაგრძობენ გრძელვადიანი გადაწყვეტების შემუშავებას, გადაუდებელ გამოწვევებთან ადაპტაციით, „ლტოლვილთა შესახებ გლობალური შეთანხმების“ შესაბამისად.სამომავლო ხედვის გათვალისწინებით, გაერთიანებული ერების ორგანიზაცია საქართველოს მთავრობასა და პარტნიორებთან თანამშრომლობს, „2026-2030 წლების მდგრადი განვითარების თანამშრომლობის ხელშეკრულების“ შემუშავების მიზნით. ამით შესაძლებელი ხდება, რომ უკეთესად დავაკმაყოფილოთ დაუცველი თემების მრავალმხრივი საჭიროებები და, ამავდროულად, მხარი დავუჭიროთ ძალისხმევებს დაუცველობის და გარიყულობის შესაჩერებლად - „მდგრადი განვითარების მიზნების“ცენტრალური პრინციპის შესაბამისად, რომ არავინ დაგვრჩეს ყურადღების მიღმა.----წინამდებარე ბლოგის ავტორია გაეროს მუდმივი კოორდინატორი საქართველოში, დიდიე ტღებუკი. ბლოგი თავდაპირველად UN DCO-ს ვებგვერდზე გამოქვეყნდა: https://shorturl.at/PbpjR

წაიკითხეთ სრულად

1 of 5

ისტორია

14 აპრილი 2025

მეწარმე ქალები ციფრულ გაყიდვებს ავითარებენ

ფარქოსაძის მეღვინეობა საჩხერის მუნიციპალიტეტში, სოფელ ჩიხას ყველაზე მაღალ წერტილში, მთის ძირას მდებარეობს. 60 წელზე მეტია, ფერდობებზე შეფენილ ვენახებში დაკრეფილი ყურძნით ფარქოსაძეების ოჯახი ცქრიალა, წითელ და თეთრ ღვინოებს ამზადებს.„2022 წლიდან გვაქვს ეტიკეტირებაც - „ფარქოსაძეების ღვინო“, რომელზეც ჩვენი საგვარეულო გერბია დატანილი. წარმოშობით რაჭიდან ვართ და ვენახში განსაკუთრებულად ვინახავთ ყურძნის იქაური ჯიშის, ალექსანდროულის უძველეს ნერგს, რომელიც ჩვენმა წინაპარმა რაჭიდან ჩამოიტანა. ახლა მისი გემო ფარქოსაძეების ევროპული და ტრადიციული იმერული ტექნოლოგიით დამზადებულ ღვინოებს დამატებით ელფერს სძენს“, - ჰყვება 34 წლის მარიამ ფარქოსაძე, პროფესიით იურისტი და მევენახეობა-მეღვინეობის სერტიფიცირებული სპეციალისტი, რომელიც ოჯახის საგვარეულო საქმიანობაში აქტიურადაა ჩართული.მარიამი პროექტის „მეწარმე ქალების მხარდაჭერა საქართველოში“ ერთ-ერთი მონაწილეა. ინიციატივა მეწარმე ქალებს ეხმარება, ახალი ცოდნა და უნარები შეიძინონ, სასარგებლო ბიზნესკავშირები დაამყარონ, პროდუქცია ელექტრონული კომერციის პლატფორმებით სულ უფრო მეტი მომხმარებლისთვის გახადონ ხელმისაწვდომი და საკუთარი საქმიანობები ფართოდ განავითარონ. მას გაეროს ქალთა ორგანიზაცია საქართველოს ფერმერთა ასოციაციასა და სავაჭრო-სამრეწველო პალატასთან თანამშრომლობით ახორციელებს.პროექტის ნაწილს წარმოადგენს პრემიუმ კლასის ალკოჰოლური სასმელების ყველაზე დიდ ქართულ ონლაინპლატფორმასთან, alcoshop.ge-სთან თანამშრომლობაც. ამ პარტნიორობის შედეგად, ონლაინმაღაზიის ვებგვერდზე მეწარმე ქალების ღვინოების სპეციალური განყოფილება შეიქმნა და მასზე საქართველოს სხვადასხვა რეგიონში მცხოვრები მეღვინე ქალების 20-ზე მეტი პროდუქტი უკვე განთავსდა. მათ შორის მარიამ ფარქოსაძის ღვინოებიცაა.„მეღვინე ქალებისთვის ონლაინსივრცეში გაყიდვების შესაძლებლობა ნიშნავს სწრაფ, ეფექტიან და მოკლე პერიოდის შედეგზე ორიენტირებულ შანსს, რომელიც მნიშვნელოვანია ჩვენი ბიზნესის წარმატებისა და მეღვინე ქალების გაძლიერებისთვის. ეს საშუალებას გვაძლევს, გავზარდოთ ცნობადობა, გაყიდვების რაოდენობა და ვიყოთ მაგალითები სხვა ქალებისთვის, რომლებიც ჯერ კიდევ დაგეგმვის ეტაპზე არიან“, - აღნიშნავს მარიამ ფარქოსაძე.საგულისხმოა, რომ დღესდღეობით საქართველოში მეწარმე ქალებისთვის ერთ-ერთი მნიშვნელოვანი გამოწვევა სწორედ გაყიდვების ალტერნატიული სივრცეების ათვისება და რეალიზაციის დისტანციური არხების განვითარებაა. შესაბამისად, ონლაინპლატფორმებთან პარტნიორობას მათ საქმიანობებზე პოზიტიური გავლენის მოხდენა შეუძლია. სამომავლოდ, თანამშრომლობის ფარგლებში, alcoshop.ge-ზე 20-მდე მეღვინე ქალის ნაწარმი განთავსდება.კიდევ ერთი ნაბიჯი, რომელიც გაეროს ქალთა ორგანიზაციამ მეწარმე ქალების პროდუქტების პოპულარიზაციისთვის გადადგა, ონლაინპლატფორმა VELI.store-ისთან პარტნიორობაა. ამჟამად ონლაინმაღაზიაში 150-ზე მეტი მეწარმე ქალის მიერ შექმნილი ტექსტილი, სამკაულები, აქსესუარები, ღვინო და სხვა პროდუქტებია წარმოდგენილი. მათ შორისაა ის 6 მეწარმე ქალიც, რომლებიც VELI.store-ს გაეროს ქალთა ორგანიზაციამ დააკავშირა და ონლაინმაღაზიის სტანდარტების შესაბამისი ფოტოგადაღებებით უზრუნველყო. ყველა მათგანი გაეროს ქალთა ორგანიზაციის პროექტების მონაწილეა.გაეროს ქალთა ორგანიზაციის საქმიანობის ერთ-ერთი მთავარი მიმართულება ქალთა ეკონომიკური გაძლიერებაა და მისი მნიშვნელოვანი ნაწილი ქალთა მეწარმეობის განვითარებას, თავად მეწარმე ქალების ხელშეწყობას, ახალი საქმიანობების დაწყებასა და არსებული ბიზნესების გაფართოებაში მათ მხარდაჭერას მოიცავს.მეწარმე ქალების ციფრული გაყიდვების ხელშემწყობი ინიციატივები წარმოადგენს პროექტის „კარგი მმართველობა გენდერული თანასწორობის ხელშეწყობისთვის საქართველოში“ ქალთა ეკონომიკური გაძლიერების კომპონენტის ნაწილია, რომელსაც ნორვეგიის სააგენტო განვითარების თანამშრომლობისთვის აფინანსებს.

წაიკითხეთ სრულად

1 of 5

ისტორია

11 მარტი 2025

გზა კეთილდღეობისაკენ

სოფლის მეურნეობა საქართველოს ეკონომიკის უმნიშვნელოვანესი კომპონენტია, რომელიც მშპ-ზე, სოფლად დასაქმებასა და სასურსათო უსაფრთხოებაზე დიდ ზეგავლენას ახდენს. თუ უკანასკნელი წლების სტატისტიკას ჩავხედავთ დავინახავთ, რომ ამ სექტორში სამუშაო ძალის დაახლოებით 20% იყო დასაქმებული, ხოლო ქვეყნის მშპ-ში შეტანილმა წვლილმა დაახლოებით 8.3% შეადგინა. ერთი მხრივ, აღნიშნული სექტორი კვლავაც გადამწყვეტ მნიშვნელობას ინარჩუნებს სოფლად მცხოვრები ადამიანებისთვის, რომელთა რაოდენობაც საქართველოს მოსახლეობის 40%-ზემეტია და, მეორე მხრივ, ბევრი შინამეურნეობისთვის უსაფრთხოების გარანტიას და საარსებო შესაძლებლობებს უზრუნველყოფს. მიუხედავად მისი მნიშვნელობისა, სოფლის მეურნეობაში მონაწილეობისა და შესაძლებლობების ნაწილში ქალების ბიზნეს საქმიანობა მრავალი პარამეტრით ჩამორჩება მამაკაცების მონაცემებს.ბაია აბულაძე ერთ-ერთი პირველი მეღვინე ქალია, რომელმაც თავისი ოჯახის მევენახეობისადმი სიყვარული წარმატებულ ბიზნესად გადააქცია. ბაიამ „ბაიას ღვინო“ 2015 წელს დააფუძნა ბაღდათის მუნიციპალიტეტის სოფელ მეორე ობჩაში, რითაც პირადი მოხმარებისთვის ღვინის წარმოების შემდეგ კომერციულ ბაზარზე შესვლა მოახერხა და ამგვარად დაძლია ბარიერები იმ დარგში, სადაც ძირითადად მამაკაცები დომინირებდნენ. გაეროს განვითარების პროგრამის (UNDP) და გაეროს სურსათისა და სოფლის მეურნეობის ორგანიზაციის (FAO) მხარდაჭერით, მან მნიშვნელოვანი უნარები შეიძინა მეღვინეობის კონკურენტულ სივრცეში ნავიგაციისთვის. 2022 წელს ბაიამ საგრანტო დახმარება მიიღო, რითაც შეფუთვისა და ეტიკეტირების თანამედროვე აღჭურვილობა შეიძინა ევროკავშირის მიერ დაფინანსებული ინიციატივის მეშვეობით, რომელიც საქართველოში კერძო სექტორის კონკურენტუნარიანობის გაძლიერებას ისახავდა მიზნად. აღნიშნული პროგრამის ფარგლებში, რომელიც გაეროს განვითარების პროგრამის (UNDP), გაეროს სურსათისა და სოფლის მეურნეობის ორგანიზაციის (FAO), მიგრაციის საერთაშორისო ორგანიზაციის (IOM) და გაეროს ინდუსტრიული განვითარების ორგანიზაციის (UNIDO) მიერ განხორციელდა, 1,500-ზე მეტმა მეწარმემ და სასოფლო-სამეურნეო პროდუქციის მწარმოებელმა შეძლო როგორც ბიზნესუნარების გაუმჯობესება, ასევე სხვადასხვა ბაზრებზე უფრო აქტიურად გასვლა. დღეს ბაიას თავისი ღვინოები ექსპორტზე 17-ზე მეტ ქვეყანაში გააქვს, რომელთა შორისაა აშშ, სამხრეთ კორეა, იაპონია, სინგაპურიდა ჩინეთი. მისი წარმატება შთაგონების წყარო გახდა სხვა ქალებისთვის მეღვინეობის სფეროში. „ახლა უფრო მეტად ვგრძნობ, რომ შემიძლია სხვა ქალებს თავიანთი პოტენციალის რეალიზებაში დავეხმარო“, - აცხადებს ბაია, უზიარებს რა თავის გამოცდილებას მეღვინეობით დაინტერესებულ ქალებს.2016 წელს, ბაიას თავისი და, გვანცაც შეუერთდა საკუთარი ბრენდით „გვანცას ღვინოები“. ორივე ბრენდი საქართველოს შემფუთველთა კლასტერში (PMAG) გაწევრიანდა. ეს არის ქსელი, რომელიც ევროკავშირის და UNDP-ის მხარდაჭერით ფუნქციონირებს.დარგში დიდი ხნის მანძილზე დამკვიდრებულ გენდერულ სტერეოტიპებთან დაპირისპირების შემდეგ, ბაია მიღწეულ შედეგებზე გაჩერებას არ აპირებს. მას სურს, რომ გაყიდვების ბაზრები გააფართოოს და ბიომეღვინეობის მიმართულებით წამყვანი მეწარმე გახდეს, რასაც ქართული ღვინოების უნიკალური გემოვნური თვისებების და სახეობების წარმოჩენით გეგმავს.მიუხედავად იმისა, რომ ქალები სოფლის მეურნეობაში აგრძელებენ ისეთ გამოწვევებთან ბრძოლას, როგორიცაა შეზღუდული რესურსები და ტექნოლოგიები, ისინი საოცარი სიმტკიცით და შეუპოვრობით გამოირჩევიან. 2024 წელს 10000-ზე მეტმა ქალმა გამოხატა ინტერესი სოფლის მეურნეობის საქმიანობით ქვეყნის მასშტაბით სოფლის განვითარების სააგენტოს მეშვეობით, რაც ხაზს უსვამს ამ სექტორში ზრდის პოტენციალს.

წაიკითხეთ სრულად

1 of 5

მეტის ჩვენება

პრეს-რელიზი

26 იანვარი 2026

საშვილოსნოს ყელის კიბოს პრევენცია და განკურნება შესაძლებელია

საშვილოსნოს ყელის კიბო ქალთა ავთვისებიანი სიმსივნით გარდაცვალების მეორე წამყვანი მიზეზია აღმოსავლეთ ევროპასა და ცენტრალურ აზიაში, რაც დაკავშირებულია უდიდეს პიროვნულ სტრესთან, სოციალური აქტივობის წყვეტასთან და ქალების, მათი ოჯახებისა და ჯანდაცვის სისტემების ფინანსურ დანახარჯებთან. საშვილოსნოს ყელის კიბო, რომლის უმთავრესი გამომწვევი მიზეზი ადამიანის პაპილომავირუსია (აპვ), საქართველოში მცხოვრებ ქალებში ყველაზე ხშირად დიაგნოსტირებულ ონკოლოგიურ დაავადებათა შორის მეხუთე ადგილზეა.მიუხედავად იმისა, რომ დაავადების თავიდან აცილება შესაძლებელია, ის მაინც რჩება ჯანმრთელობასთან დაკავშირებულ მნიშვნელოვან გამოწვევად ქვეყანაში, სადაც შემთხვევათა 40%-ზე მეტის გამოვლენა გვიან (მე-3 ან მე-4) სტადიაზე ხდება. საშვილოსნოს ყელის კიბოს შემთხვევათა უმეტესობის პრევენცია შესაძლებელია აპვ საწინააღმდეგო ვაქცინით, ხოლო ადრეულ ეტაპზე გამოვლენისა და სათანადო მკურნალობის შემთხვევაში კი, იგი განკურნებადია. “ადამიანის პაპილომავირუსის საწინააღმდეგო ვაქცინა საშვილოსნოს ყელის კიბოს პრევენციის უსაფრთხო და ეფექტური საშუალებაა. ვაქცინაციის მაღალი მაჩვენებლის მიღწევა მნიშვნელოვანია საქართველოში საშვილოსნოს ყელის კიბოს აღმოსაფხვრელად. მოვუწოდებ ყველას, ვისაც აცრა ეკუთვნის, ჩაიტაროს ვაქცინაცია და დაიცვას საკუთარი თავი და მისი გარშემომყოფები“ - განაცხადა ჯანმრთელობის მსოფლიო ორგანიზაციის წარმომადგენელმა და საქართველოს ოფისის ხელმძღვანელმა სილვიუ დომენტემ.2020 წლის ნოემბერში, ჯანმრთელობის მსოფლიო ორგანიზაციამ (ჯანმო) საშვილოსნოს ყელის კიბოს, როგორც საზოგადოებრივი ჯანდაცვის პრობლემის, აღმოფხვრის დაჩქარების გლობალური სტრატეგია შეიმუშავა. მასში წარმოდგენილია საშვილოსნოს ყელის კიბოს აღმოფხვრის სამი ძირითადი მიმართულება: ადამიანის პაპილომავირუსის (აპვ) საწინააღმდეგო ვაქცინაცია, საშვილოსნოს ყელის კიბოს სკრინინგი და მკურნალობა; სამივე მიმართულება უნდა დაინერგოს ერთობლივად და საჭირო მასშტაბით, საშვილოსნოს ყელის კიბოს აღმოფხვრის უზრუნველსაყოფად.საშვილოსნოს ყელის კიბოს შესახებ ცნობიერების ამაღლების თვესთან დაკავშირებით, ჯანმრთელობის მსოფლიო ორგანიზაციისა (ჯანმო) და გაეროს მოსახლეობის ფონდის (UNFPA) წარმომადგენლობები საქართველოში ხაზს უსვამენ ადამიანის პაპილომავირუსის (აპვ) იმუნიზაციის ხელმისაწვდომობის, კიბოსწინარე დაზიანებების ხარისხიანი სკრინინგისა და მკურნალობის მნიშვნელობას.“საქართველოში საშვილოსნოს ყელის კიბოს სკრინინგის პროგრამა გაეროს მოსახლეობის ფონდი (UNFPA) ტექნიკური დახმარებით 2009 წლიდან ამოქმედდა. იმისათვის, რომ სკრინინგ პროგრამები საყოველთაო ხელმისაწვდომი გახდეს, მათ შორის, სოფლად და ძნელადმისაწვდომ ადგილებში მცხოვრები ქალებისთვის, UNFPA, გაეროს სააგენტოებთან თანამშრომლობითა და ევროკავშირის მხარდაჭერით, ხელს უწყობს ციფრული მედიცინის განვითარებას საქართველოში. აქვე უნდა აღინიშნოს საშვილოსნოს ყელის კიბოს გამომწვევი ადამიანის პაპილომავირუსის საწინააღმდეგო ვაქცინაციის მნიშვნელობაც, რაც უკვეხელმისაწვდომია შესაბამისი ასაკობრივი ჯგუფის ახალგაზრდა ქალებისა და კაცებისთვის საქართველოში” - აღნიშნა გაეროს მოსახლეობის ფონდის (UNFPA) საქართველოს ოფისის ხელმძღვანელმა, მარიამ ბანძელაძემ.დღეისათვის, საშვილოსნოს ყელის კიბოს პრევენციის, სკრინინგის, მკურნალობისა და მონაცემთა მართვის სფეროში, არსებობს ჯანმო-სა და გაეროს მოსახლეობის ფონდის (UNFPA) ხელშეწყობით მიმდინარე შემდეგი ვალდებულებები:პრევენცია: ადამიანის პაპილომავირუსის (აპვ) საწინააღმდეგო ვაქცინაცია შეტანილია იმუნიზაციის ეროვნულ პროგრამაში 10-12 წლის გოგოებისთვის. 2022 წელს საქართველოს მთავრობამ დაამტკიცა 13-18 წლის გოგოების ვაქცინაციის პროგრამა. მოგვიანებით, ვაქცინაციის პროგრამა ხელმისაწვდომი გახდა 46 წლამდე ასაკის ქალებისა და 10-26 წლის ასაკობრივი ჯგუფის წარმომადგენელი ბიჭებისა და კაცებისთვის, ხოლო 2026 წლის გადაწყვეტილებით, ვაქცინაციის პროგრამაში შესაძლებელი გახდა 46 წლამდე ასაკის კაცების ჩართვა.*ამჟამად, ვაქცინაციის პროგრამა მოიცავს:10-12 წლის ასაკობრივ ჯგუფში ორჯერად ვაქცინაციას, მინიმუმ 6 თვის ინტერვალით;13-46 წლის ასაკობრივ ჯგუფში სამჯერად ვაქცინაციას, შემდეგი სქემით: 0 - 2 – 6 თვე. პირველ და მეორე დოზას შორის მინიმალური ინტერვალი უნდა შეადგენდეს არანაკლებ 1 თვეს, ხოლო მეორე და მესამე დოზას შორის მინიმალური ინტერვალი უნდა შეადგენდეს არანაკლებ 3 თვეს.სკრინინგი: სკრინინგის ეროვნული პროგრამის ფარგლებში, საქართველოს მასშტაბით, საშვილოსნოს ყელის კიბოს სკრინინგი უფასოა 25-60 წლის ქალებისათვის. მკურნალობა: შემუშავებულია საშვილოსნოს ყელის კიბოს მტკიცებულებაზე დაფუძნებული მკურნალობის გაიდლაინები. მონაცემები: შეიქმნა კიბოს სკრინინგის ეროვნული რეესტრი, სკრინინგში მონაწილეობის ხელშესაწყობად და მონაცემთა მართვის გასაუმჯობესებლად. *ადამიანის პაპილომავირუსის (აპვ) საწინააღმდეგო ვაქცინაცია და საშვილოსნოს ყელის კიბოს სკრინინგი უფასოდ არის ხელმისაწვდომი პირველადი ჯანდაცვისა და ეროვნულ სკრინინგ ცენტრებში. გარდა ამისა, სახელმწიფო პროგრამის ფარგლებში ხელმისაწვდომია ადამიანის პაპილომავირუსის (აპვ) საწინააღმდეგო 9-ვალენტიანი ვაქცინა, რომელიც იცავს ორგანიზმს ადამიანისპაპილომავირუსის შემდეგი ონკოგენური ტიპებისაგან: აპვ 6, 11, 16, 18, 31, 33, 45, 52 და 58 გამოწვეული ინფექციისგან. დამატებითი ინფორმაციისთვის, გთხოვთ, დაუკავშირდეთ დაავადებათა კონტროლისა და საზოგადოებრივი ჯანმრთელობის ეროვნული ცენტრის ცხელ ხაზს: 116 001

წაიკითხეთ სრულად

1 of 5

პრეს-რელიზი

15 დეკემბერი 2025

საქართველოს ახალგაზრდები თანასწორ შესაძლებლობებს ითხოვენ

გენდერული ძალადობის წინააღმდეგ 16-დღიანი გლობალური კამპანიის ფარგლებში, გაეროს განვითარების პროგრამამ (UNDP) და შვედეთის საელჩომ საქართველოში შექმნეს დინამიკური სადისკუსიო სივრცე გენდერული სტერეოტიპებისა და პროფესიული არჩევანის შესახებ მსჯელობისთვის. დისკუსიაში 50-მდე სტუდენტი და უფროსკლასელი ჩაერთო. ახალგაზრდებმა თავისი შეკითხვები, მოსაზრებები და იდეები გენდერული თანასწორობის ექსპერტებს, ადამიანური რესურსების მართვის პროფესიონალებსა და ტექნოლოგიების სფეროში მომუშავე მეწარმეებს გაუზიარეს.მსჯელობა ისეთ მწვავე საკითხებს შეეხო, როგორებიცაა საზოგადოებაში დამკვიდრებული გენდერული სტერეოტიპები, პროფესიების დაყოფა „ქალისა და კაცის საქმედ“, ქალთა როლი თანამედროვე ეკონომიკისა თუ ტექნოლოგიების განვითარებაში, ყოველდღიური დისკრიმინაცია ოჯახებში, სკოლებსა და სამუშაო ადგილებზე და თანასწორობის მიღწევის ქმედითი გზები ციფრული გარდაქმნის პირობებში.„აღფრთოვანებული ვარ ახალგაზრდების ენერგიითა და მოტივაციით. ისინი მომავლისთვის ემზადებიან და მათი ხედვა სრულიად ნათელია: თანასწორობისა და ადამიანების უფლებებზე დაფუძნებული საზოგადოება, რომელიც ინკლუზიურობასა და სამართლიანობას უზრუნველყოფს“, - განაცხადა ელიზაბეთ ბრანდბერგმა, საქართველოში შვედეთის საელჩოს განვითარებისა და თანამშრომლობის განყოფილების ხელმძღვანელმა და ელჩის მოადგილემ.„პროფესიული არჩევანის შეზღუდვა ერთ-ერთი ყველაზე დამაზიანებელი პრაქტიკაა საზოგადოებრივ ცხოვრებაში ქალთა ხმის ჩახშობისთვის. კარიერასთან დაკავშირებული გადაწყვეტილებები არა მხოლოდ პირადი წარმატების, არამედ ფინანსური დამოუკიდებლობისა და გრძელვადიანი უსაფრთხოების მიღწევის საშუალებაა. ყველას უნდა ჰქონდეს თავისუფლება და შესაძლებლობა, რათა პროფესიული განვითარების საკუთარი გზა აირჩიოს. ახალგაზრდა ქალებმა და კაცებმა სრული მხარდაჭერა უნდა მიიღონ იმისთვის, რომ წარმატებას მიაღწიონ“, - აღნიშნა დაგლას უებმა, UNDP-ის მუდმივმა წარმომადგენელმა საქართველოში.ახალგაზრდებთან დისკუსიას ქართულ სოციალურ მედიაში კარგად ცნობილი ელენე რუხაძე (Foxy Eleniko) გაუძღვა. გამომსვლელებს შორის იყვნენ ნატო კვაჭანტირაძე - ადამიანური კაპიტალის ექსპერტი, მარიამ გაგუა - DwellUP-ის თანადამფუძნებელი და აღმასრულებელი დირექტორი, და ანა ლობჟანიძე - UNDP-ის მრჩეველი გენდერული თანასწორობის საკითხებში.დისკუსიის მონაწილეები გაეცნენ შვედეთისა და გაეროს ხელშეწყობით ჩატარებულ კვლევას, „ქალები, კაცები და გენდერული ურთიერთობები საქართველოში“. მათ ასევე კერძო სექტორში დასაქმების თანამედროვე შესაძლებლობებსა და მომავლის პროფესიებზე ისაუბრეს. ჯგუფური მუშაობის მსვლელობაში, ახალგაზრდებმა განათლების, დასაქმებისა და სამუშაო გარემოს გაუმჯობესებისთვის საკუთარი იდეები და რეკომენდაციები შეიმუშავეს.დისკუსია „პროფესიას არ აქვს გენდერი“ გენდერული თანასწორობისთვის გაეროს ერთობლივი პროგრამის ფარგლებში გაიმართა, რომელიც შვედეთის მხარდაჭერით ხორციელდება.გენდერული თანასწორობა საქართველოშიკვლევა IMAGES 2024: კაცები, ქალები და გენდერული თანასწორობა საქართველოში, რომელიც გაეროს განვითარების პროგრამისა (UNDP) და გაეროს მოსახლეობის ფონდის (UNFPA) ინიციატივითა და შვედეთის მხარდაჭერით განხორციელდა, საქართველოს საზოგადოებაში არსებულ აზრთა მრავალფეროვნებას და გენდერული თანასწორობის მიმართ არაერთმნიშვნელოვან დამოკიდებულებას ავლენს. გამოკითხულთა 57.5% მიიჩნევს, რომ ქალის ძირითადი მოვალეობა ოჯახზე ზრუნვაა, თუმცა კიდევ უფრო მეტი ადამიანი, 62%, თვლის, რომ ქალთა აქტიური ჩართულობა პოლიტიკაში ქვეყნისთვის სასიკეთო იქნებოდა.გამოკითხულთა ნახევარს მიაჩნია, რომ ქალს და კაცს თანაბარი წარმატებით შეუძლიათ მართონ ბიზნესი. ამ მოსაზრებას ქალები კაცებზე მეტად ემხრობიან. პასუხებს შორის გენდერული სხვაობა 20%-ს შეადგენს.ქალები ბიზნესში ლიდერობას მეტი თავდაჯერებულობით უყურებენ. 2019 წელს, ქალების 56% თვლიდა, რომ კაცების მსგავსად, შეუძლია წარმატებას მიაღწიოს ბიზნესში, ხოლო 2024 წელს, ეს მონაცემი 62%-მდე გაიზარდა. კაცების შემთხვევაში პირიქით, ამ დებულების მხარდაჭერა 54%-იდან 44%-მდე შემცირდა. ასევე გაიზარდა იმ კაცების რიცხვი, რომლებიც თვლიან, რომ ბიზნესში კაცი უკეთესი ლიდერია.ახალგაზრდა თაობის წარმომადგენლები მეტად უჭერენ მხარს გენდერულ თანასწორობას, როგორც ოჯახურ, ისე საზოგადოებრივ ცხოვრებაში. 18-29 წლის ასაკობრივ ჯგუფში, ქალების მხოლოდ 28.6% და კაცების 49% ეთანხმება დებულებას, რომ ქალის მთავარი მოვალეობა ოჯახზე ზრუნვაა და არა პროფესიული განვითარება. 30-54 წელი და 55+ ასაკობრივ ჯგუფებში ეს მონაცემი იზრდება.დამატებითი ინფორმაციაგაეროს ერთობლივი პროგრამა გენდერული თანასწორობისთვის გაეროსა და შვედეთის ერთობლივი ინიციატივაა, რომელიც საქართველოს პოლიტიკურ, ეკონომიკურ და სოციალურ ცხოვრებაში გენდერული თანასწორობის მიღწევას ემსახურება. პროგრამას გაეროს სამი სააგენტო ახორციელებს: გაეროს განვითარების პროგრამა (UNDP), გაეროს მოსახლეობის ფონდი (UNFPA) და გაეროს ქალთა ორგანიზაცია (UN Women).

წაიკითხეთ სრულად

1 of 5

პრეს-რელიზი

09 დეკემბერი 2025

საქართველომ და გაერომ ხელი მოაწერეს ახალ 2026–2030 წლების გაეროს მდგრადი განვითარების თანამშრომლობის ხელშეკრულებას

დღეს საქართველოს მთავრობასა და გაეროს შორის 2026-2030 წლების გაეროს მდგრადი განვითარების თანამშრომლობის ხელშეკრულებას მოეწერა ხელი.ხელშეკრულება განსაზღვრავს საქართველოს მთავრობასა და გაეროს შორის სტრატეგიულ პარტნიორობას მომდევნო ხუთი წლის განმავლობაში, რომლის მიზანია მდგრადი განვითარების ხელშეწყობა საქართველოში.ხელშეკრულების ფარგლებში, გაეროს 21 სააგენტო, ფონდი და პროგრამა განაგრძობს საქართველოს მხარდაჭერას ოთხი პრიორიტეტული მიმართულებით: ინკლუზიური ეკონომიკური ზრდისა და მწვანე ტრანზიციის ხელშეწყობა; განათლების, ჯანდაცვისა და სოციალური დაცვის გაძლიერება; კარგი მმართველობა, ადამიანის უფლებების დაცვა და სოციალური ერთობა; მშვიდობისა და მედეგობის განმტკიცება კონფლიქტის გამყოფი ხაზების ყველა მხარეს. ხელშეკრულებას, საქართველოს სახელით ხელი მოაწერა საქართველოს პრემიერ-მინისტრმა,ირაკლი კობახიძემ, ხოლო გაეროს სააგენტოთა ჯგუფის სახელით, გაეროს მუდმივმა კოორდინატორმა საქართველოში, დიდიე ტღებიუკმა. საქართველოს პრემიერ-მინისტრმა, ირაკლი კობახიძემ, ყურადღება დაუთმო საქართველოსა და გაერთიანებული ერების ორგანიზაციას შორის თანამშრომლობას და მადლობა გადაუხადა გაეროს პარტნიორობისა და მხარდაჭერისთვის. თავის გამოსვლაში, ლევან ჟორჟოლიანმა, საქართველოს მთავრობის ადმინისტრაციის ხელმძღვანელმა, აღნიშნა, რომ ახალი ხელშეკრულება შესაბამისობაშია ეროვნული განვითარების პრიორიტეტებთან. „დღეს ახალი, მნიშვნელოვანი ეტაპია საქართველოსა და გაეროს შორის 30-წელზე მეტი ხნის გრძელვადიანი და ღრმა პარტნიორობის ისტორიაში,“ – განაცხადა დიდიე ტღებუკმა, გაეროს მუდმივმა კოორდინატორმა საქართველოში. „თანამშრომლობის ხელშეკრულება, რომელსაც დღეს ვაწერთ ხელს, წარმოადგენს პირობას, რომელსაც ჩვენ ვიზიარებთ საქართველოს მთავრობასა და ყველა პარტნიორთან –განვახორციელოთ გადამწყვეტი რეფორმები მდგრადი განვითარების მიზნების მიღწევისკენ პროგრესის დასაჩქარებლად. თანამშრომლობის ხელშეკრულება გვთავაზობს ერთობლივი მოქმედების პლატფორმას. მისი მიზანია მწვანე და ინკლუზიური განვითარების ხელშეწყობა ურბანულ დასახლებებსა და რეგიონებს შორის არსებული უთანასწორობის შესამცირებლად.“ხელშეკრულების შემუშავებას წინ უძღოდა ფართომასშტაბიანი განხილვა საქართველოს მთავრობის, საერთაშორისო პარტნიორების, გაეროს სააგენტოების, აკადემიური წრეების, ახალგაზრდების, სამოქალაქო საზოგადოებისა და კერძო სექტორის მონაწილეობით. თანამშრომლობის ხელშეკრულება, რომლის ბიუჯეტიც დაახლოებით 262 მილიონი აშშ დოლარს შეადგენს, განხორციელდება ერთობლივი პროგრამების, ინოვაციური დაფინანსების და ეროვნულ და საერთაშორისო პარტნიორებთან თანამშრომლობის გზით. ღონისძიებას საქართველოს მთავრობის, გაეროს, საქართველოში აკრედიტებული დიპლომატიური კორპუსის, სამოქალაქო საზოგადოებისა და კერძო სექტორის წარმომადგენლები დაესწრნენ.

წაიკითხეთ სრულად

1 of 5

პრეს-რელიზი

30 ოქტომბერი 2025

ზამთრის სკოლა ახალგაზრდებისთვის: ადამიანის უფლებები, ჩვენი ყოველდღიურობა!

ევროკავშირის და გაეროს ერთობლივი პროექტის ადამიანის უფლებები ყველასათვის ფარგლებში, გაეროს განვითარების პროგრამა (UNDP) და გაეროს ადამიანის უფლებათა უმაღლესი კომისრის ოფისი (OHCHR) აცხადებენ მიღებას ადამიანის უფლებების ზამთრის სკოლაში.ზამთრის სკოლა გაიმართება 2025 წლის 1-5 დეკემბერს.რას ისწავლით ზამთრის სკოლაში?ადამიანის უფლებების მნიშვნელობა ყოველდღიურ ცხოვრებაში;ადამიანის უფლებათა დაცვის ინსტიტუტები, მათი როლი და გამოწვევები;თანასწორი და მრავალფეროვანი გარემოს შექმნა, სადაც ყველას ხმა თანაბრად ისმის;გამოხატვის თავისუფლება – როგორ დავიცვათ საკუთარი ხმა და პატივი ვცეთ სხვისას;პირადი ცხოვრების დაცვა და პერსონალური მონაცემების მნიშვნელობა;აქტიური მოქალაქეობა და დემოკრატიული საზოგადოების მშენებლობა.სასწავლო პროგრამა მოიცავს ლექციებს, დისკუსიებს, პრეზენტაციებსა და ჯგუფურ სავარჯიშოებს. მონაწილეებს ექნებათ შესაძლებლობა პრაქტიკული სავარჯიშოების მეშვეობით გაიუმჯობესონ კომუნიკაციისა და პრეზენტაციის უნარები.ვის შეუძლია მონაწილეობა?ზამთრის სკოლა ღიაა საქართველოს ავტორიზებული უმაღლესი საგანმანათლებლო დაწესებულებების სამართლის, სოციალური, პოლიტიკური მეცნიერებებისა და ჰუმანიტარული მიმართულების სტუდენტებისა და კურსდამთავრებულებისთვის, რომლებიც:ფლობენ სახელმწიფო ენას;არიან 18–26 წლის ასაკის;მზად არიან, სრულად დაესწრონ პროგრამას.განსაკუთრებით მივესალმებით, რეგიონული უნივერსიტეტების სტუდენტების და კურსდამთავრებულების მონაწილეობას.როგორ მიიღოთ მონაწილეობა?დაინტერესებულმა ახალგაზრდებმა უნდა შეავსონ სარეგისტრაციო ფორმა, გამოაგზავნონ CV და სამოტივაციო წერილი (მაქსიმუმ 300 სიტყვა). სამოტივაციო წერილში უნდა აღწეროთ თქვენი გამოცდილება ადამიანის უფლებების სფეროში, რატომ გსურთ სკოლაში მონაწილეობის მიღება და როგორ გამოიყენებთ მიღებულ ცოდნას.განაცხადის წარმოდგენის ბოლო ვადაა 2025 წლის 10 ნოემბერი.კურსის წარმატებით დასრულების შემდეგ, მონაწილეებს გადაეცემათ დამადასტურებელი სერტიფიკატი.სკოლის ორგანიზატორები სრულად უზრუნველვყოფთ მონაწილეთა ტრანსპორტირების და სასტუმროში განთავსების ხარჯებს. გამგზავრება 30 ნოემბერს, ხოლო თბილისში დაბრუნება 6 დეკემბერს [ღონისძიების ადგილს შერჩეულ მონაწილეებს მოგვიანებით შევატყობინებთ]. კითხვების შემთხვევაში დაუკავშირდით ქეთევან მეზვრიშვილს: ketevan.mezvrishvili@un.org

წაიკითხეთ სრულად

1 of 5

პრეს-რელიზი

24 ოქტომბერი 2025

თბილისში გაეროს დღეს 2025 აღინიშნა

საქართველოში გაეროს წარმომადგენლობამ გაეროს დღისა და გაეროს ქარტიის მე-80 წლისთავისადმი მიძღვნილი ღონისძიება გამართა. ღონისძიებაში მონაწილეობა მიიღეს ახალგაზრდებმა, საქართველოს მთავრობის წარმომადგენლებმა, საერთაშორისო და ეროვნულმა პარტნიორებმა, ასევე გაეროს თანამშრომლებმა.ღონისძიება ოფიციალურად გაეროს მუდმივმა კოორდინატორმა საქართველოში, დიდიე ტღებიუკმა, და საგარეო საქმეთა მინისტრის მოადგილემ, ლაშა დარსალიამ გახსნეს. ღონისძიების ფარგლებში გაიმართა ახალგაზრდების დიალოგი თემაზე „საერთო მომავალი 2030 წლისთვის“. პანელურ ფორმატში გამართულ საუბარს მარეხი გვარამაძე, კანტის აკადემიის თანადამფუძნებელი, უძღვებოდა.დისკუსიაში მონაწილეობდნენ ახალგაზრდა ლიდერები სხვადასხვა სფეროდან, მათ შორის ტექნოლოგიები, განათლება, და გარემოსდაცვითი ადვოკატირება: ეთუნა ასანაშვილი, კლიმატის ახალგაზრდა აქტივისტი; ნოდარ ივანიძე, Steppe & Stone Capital-ის პარტნიორი, Global Tech Weekend-ის თანადამფუძნებელი; ლიზი ლომიძე, ორგანიზაცია Helping Hand-ის წარმომადგენელი, 2024 წლის მოხალისის ეროვნული ჯილდოს მფლობელი; და გიორგი მოისწრაფიშვილი, FLEX Alumni-ის კოორდინატორი. ახალგაზრდებმა გაგვიზიარეს საკუთარი ხედვა მდგრადი და ინკლუზიური მომავლის შესახებ, ასევე ისაუბრეს საკუთარ გამოცდილებაზე და იმაზე, თუ როგორ შეუძლიათ ახალგაზრდულ ინიციატივებს თემებში რეალური ცვლილებების შეტანა. საუბრისას ხაზი გაესვა სექტორთაშორისი პარტნიორობის, მენტორობის და ციფრული ტრანსფორმაციის როლს ყველასთვის თანაბარი შესაძლებლობების შექმნაში.ღონისძიებაზე წარმოდგენილი იყო ფოტოგამოფენა, რომელიც ასახავდა გაეროსა და საქართველოს 30 წელზე მეტი ხნის პარტნიორობას — პარტნიორობას, რომელიც ქვეყნის განვითარებასა და ხალხის კეთილდღეობას ემსახურება.ღონისძიების ფარგლებში, თბილისის ტელეანძა გაეროს ლურჯ ფერში განათდა. ეს სიმბოლური ჟესტი გაეროს ორგანიზებითა და თბილისის მერიის მხარდაჭერით განხორციელდა.ღონისძიების ვიდეომასალის სანახავად, ესტუმრეთ: https://www.facebook.com/share/v/17aBpjYgFM/ გაეროს დღის შესახებგაეროს დღე ყოველწლიურად აღინიშნება 24 ოქტომბერს, 1945 წელს გაეროს ქარტიის ხელმოწერის აღსანიშნავად. უკანასკნელი 80 წლის განმავლობაში, გაერთიანებული ერების ორგანიზაცია ემსახურება მშვიდობას, ადამიანის უფლებების დაცვასა და კეთილდღეობას — ყველასთვის უკეთესი მომავლის შესაქმნელად.

წაიკითხეთ სრულად

1 of 5

მეტის ჩვენება